تصدّر اللاعب محمد هاني الظهير الأيمن لمنتخب مصر والنادي الأهلي، تريند منصات التواصل الاجتماعي، خلال الساعات الماضية، عقب أداءه المميّز مع المنتخب الوطني في مباراة الأمس أمام بلجيكا ضمن منافسات دور المجموعات في كأس العالم 2026.
وظهر هاني بمستوى مميز على الصعيدين الدفاعي والهجومي، حيث نجح في إيقاف عدد من المحاولات الخطيرة للمنتخب البلجيكي، إلى جانب مساهماته في بناء الهجمات من الجبهة اليمنى، ما جعله محل إشادة واسعة من الجماهير والمتابعين.
وتفاعل رواد مواقع التواصل الاجتماعي مع أداء اللاعب بشكل كبير، حيث تصدّر اسمه قائمة الأكثر تداولًا على منصة "إكس"، وسط إشادات باعتباره أحد أبرز عناصر المنتخب في اللقاء.
وقال أحد المتابعين عبر منصة "إكس": " لو ماتعرفش اللي بيحصل دلوقتي ف أنا جاي اقولك ان تويتر مقلوب حرفيا على محمد هاني من جميع البلاد، بلچيكا وغيره كله بيتكلم على محمد هاني، الصورة اللي قدامك دي فيها واحد بيقول بالنص:الشوط الأول اللي عمله محمد هاني في مركز الظهير الأيمن لمنتخب مصر كان مبهر وعالمي".
وتابع: "ده واحد من أفضل الأداءات في كأس العالم لحد دلوقتي انه يحمل (تروسار) و(دوكو) في جيوبه، اه والله دي الترجمة للكلام بالظبط بدون تجويد في حرف واحد، ماتش أسطوري يا هاني والواحد مبسوط لك والله".
وأضاف آخر، قائلًا: "باستيان شفاينشتايجر طلب يقابل محمد صلاح عشان يهنّيه على مستوى مصر، وخلال الكلام قال له: "كنتوا رائعين، وبصراحة الباك اليمين عندكم لفت انتباهي بشكل كبير"، وكان يقصد محمد هاني".
وواصل: "والمفاجأة؟ بعدها طلب يقابل هاني شخصيًا، والتقط معاه صورة، وقال إنه مستغرب جدًا إن عمره 29 سنة فقط، لأن إمكانياته ومكانه الطبيعي في أوروبا".
وأوضح آخر: "الباشا، ايوه ياعم أقسم بالله باشا أبن باشا الباشا محمد هانى بعد أداءه العالمى اليوم قصاد منتخب بلجيكا أصبح حديث العالم، جمهور وإعلام، وفيهم اللي بيسأل إزاي لاعب زي ده مش في أكبر أندية أوروبا".
وتابع: "هقولك ليه محمد هاني باشا وأبن باشا كمان، لأنه في كل مرة قبل أي ماتش عالمي سواء مع الأهلي أو المنتخب بياخد كمية تريقه من الأهلاوية قبل الزملكاوي وفي كل مرة بيخلي كل اللي اتريق عليه يقوم يقف ويسقفله واخرهم النهاردة بس النهاردة الموضوع مختلف ده خلى العالم كله يقف ويسقفله لدرجة ان شفاينشتايجر أسطورة الكرة الألمانية طلب يقبله بعد الماتش للإشادة بمستواه وانه شايفه أفضل لاعب في المباراة، للتاريخ يا محمد هاني باشا".
أخبار متعلقة :