سالي شاهين تكشف لـ"ست ستات" أغرب الأشياء التي تراها في المصيف

أكدت الإعلامية سالي شاهين، أن المصيف بالنسبة لها يعني الروقان، معقبة:" أنا شخصية بحب البساطة ومش بحب الكلكعة، فلما أروح مصيف هفك أكتر عشان الدنيا تبقى بسيطة ولطيفة". 

وأضافت الإعلامية سالي شاهين خلال تقديمها برنامج "ست ستات" المذاع عبر قناة dmc، أنها في المصيف ترتدي ملابس بسيطةحيث تعتمد التيشرتات البسيطة والشباشب الناعمة في الصباح، أما في الليل فترتدي الفساتين الخفيفة أيضًا". 

واستنكرت فكرة أن يكون هناك كوافيرات في الساحل، معقبة:" أول مرة أشوف كوافير في المصيف، يعني إيه كوافير في المصيف، يعني إيه نزل البحر كل يوم وأطلع من البحر أعمل شعري في الكوافير كل يوم، معنى كده إن شعري هيتحرق، ويعني إيه كعب عالي على البحر، هتغرزي في الرملة ياماما، فين زنوبة زمان؟! ده غير الألمظات اللي بتلبسوها على البحر طبيعي هتقع في البحر". 

وتابعت: "زمان وأنا صغيرة كنت بروح المنتزه وكانت الكبائن موجودة ننزل البحر ونرجع نتغدى في الكابينة، ثم تحولنا للعجمي نفس القصة نطلع البحر الصبح ونرجع نتغدى ونرتاح وبعدين نخرج في الليل وكانت بداية الشياكة في الليل وكان فه حفلات عمرو دياب، والشياكة زمان مكنتش زي دلوقتي، كانت بسيطة وعلى الهادي، وبعدين انتقلنا لسيدي عبدالرحمن كان نظام كباين تحفة، ثم تطورنا إلى الساحل ومن ثم تطور الساحل إلى شيء لا أفهمه".